XVI. mendean Okendo jeneralak eraikitako eraikin historiko hau 1987. urtean bihurtu zen Kultur Etxe. Ordutik hona etxe honek handitze izugarri bat izan eta 2004. urtean zerbitzu eta espazio berriak jarri ziren martxan.

Gros auzoko bizitza kultur eragile nagusiena da eta aipatzekoak dira eskaintzen duen ordutegi zabala eta haurrentzat, gazte nahiz helduentzat espazio ezberdinduak izatea.

Kokaleku bikaina du, hondartza ondoan, horrela, Kursaalaren eta Zurriolako pasealeku ondoan, Donostiako turismo gunearen barne dago eta Kultur Etxerik kosmopolitena da.